Энэ оны Элсэлтийн ерөнхий шалгалт өнөөдөр /2025.06.18/ улс орон даяар эхэллээ. Энэ жил нийт 43,318 шалгуулагч бүртгүүлж, давхардсан тоогоор 133,390 шалгалт өгөхөөр байна.
Шалгуулагчид шалгалт өгөхдөө дараах бичиг баримтыг бүрдүүлж, заавал авч очих шаардлагатай. Үүнд:
Шалгуулагч иргэний үнэмлэх, бүрэн дунд боловсролын гэрчилгээг эх хувиар нь авч очих ёстой. Хэрэв гээсэн тохиолдолд гадаад паспорт, жолооны үнэмлэх, E-Mongolia системээс авсан лавлагааг авч очих боломжтой.
Өмнөх оны төгсөгчид болон гэрчилгээгүй шалгуулагчид ч мөн E-Mongolia-аас боловсролын лавлагаа авч, нотариатаар баталгаажуулан шалгалтад оролцох боломжтой юм.
Элсэлтийн ерөнхий шалгалт 2025 оны 6 дугаар сарын 18-21-ний өдрүүдэд зохион байгуулагдаж буйтай холбоотойгоор авто замын засварын ажлыг түр хугацаанд хойшлуулж, нийслэлийн замын хөдөлгөөний ачааллыг бууруулах арга хэмжээ авч байгаа юм. Замын хөдөлгөөний нөхцөл байдлыг E-Mongolia системээс цаг алдалгүй шалгахыг зөвлөж байна.
2025 оны Элсэлтийн ерөнхий шалгалтад оролцож буй бүх шалгуулагчдадаа амжилт хүсье!
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна