Наадмын өдрүүдэд Сүхбаатар дүүргийн ЕБ-ын 45 дугаар сургуулийн урд шилэн путикүүд буюу ТҮЦ-ийг нийслэлээс зөвшөөрөл авахгүйгээр байршуулжээ.
Эдгээр 9 ТҮЦ-ийг өглөөний цайгаар үйлчилдэг зуны түр үйлчилгээний зориулалтаар долоодугаар сарын 1-нээс арваннэгдүгээр сарын 1-нийг хүртэл ашиглуулахаар Сүхбаатар дүүргийн ЗДТГ-аас зөвшөөрлийг олгожээ.
Үйл явдлыг тодруулбал, Сүхбаатар дүүргийн одоогийн Засаг дарга М.Алтангэрэл өөрийн намын буюу АН-ын гишүүн Д.Баттүвшиндээ 45 дугаар сургуулийн урд уг шилэн ТҮЦ-үүдийг байршуулах зөвшөөрөл өгчээ. Ингэхдээ нийслэл болон нийслэлийн Хот байгуулалт, хотын стандартын газраас ямар нэгэн хэлбэрээр огт зөвшөөрөл авалгүй дүүрэг өөрөө дур мэдэн шийдсэн байна.
Д.Баттүвшин нь "Дэвжих голден билэгт" компанийн захирал бөгөөд энэ компанийнхаа нэрээр уг ТҮЦ байршуулах зөвшөөрлийг авсан. НИТХ-ын сонгуульд Ардчилсан намаас 6 дугаар тойрог буюу Сонгинохайрхан дүүрэгт нэр дэвшиж байжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.182.248
үнэхээр хүмүүсийн тав тухыг хангаж байвал зөвшөөрөл өгөхөд яахав дээ ТҮЦ нүүд чинь шал заваан бохир басйан биз дээ өглөөний цайг уухад хүн бүр л дуртай шүү
Хариулах