Нийслэлийн цэцэрлэгийн бүртгэл эхэллээ

Нийслэлийн хэмжээнд цэцэрлэгийн бүртгэл өнөөдрөөс эхэлж байна. Бүртгэлийн хүсэлтийг өнөөдрөөс эхлэн наймдугаар сарын 18-ны өдрийг дуустал “E-Mongolia” системээр дамжуулан хүлээн авна. 2025-2026 оны хичээлийн жилд  278’290 хүүхэд сургуулийн өмнөх боловсролд хамрагдах төлөв гарсны 135’582 нь нийслэлд хамрагдах юм. 

Нийслэлийн хэмжээнд цэцэрлэгт хамрагдах хүүхдийг насны бүлгээр авч үзвэл:

• 2 настай - 30’304
• 3 настай - 31’843
• 4 настай - 35’698
• 5 настай - 37’837 хүүхэд байна.

Эцэг эх, асран хамгаалагчдад тавигдах шаардлага:

• Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх;
• Таны хүүхэд өнгөрсөн жил цэцэрлэгт хамрагдсан бол тухайн цэцэрлэгтээ “Үргэлжлүүлж явах” эсэх сонголтыг хийх;
• Хэрвээ шилжилт хөдөлгөөнийг энэ хугацаанд хийх бол 2025 оны наймдугаар сарын 15-ны өдрөөс өмнө баталгаажуулсан байх хэрэгтэй аж.