Энэтхэгийн Ерөнхий сайд Нарзендра Моди ШХАБ-ын Дээд хэмжээний уулзалтад оролцохоор Бээжинд хүрэлцэн очоод байна.
Н.Модигийн зорилго нь БНХАУ-тай худалдааны харилцаагаа өргөжүүлж, АНУ-аас хүлээх алдагдлыг бууруулах явдал бөгөөд БНХАУ-д ч мөн ийм хэрэгцээ шаардлага байгаа тул хоёр улс энэ асуудалд онцгой анхаарч ажиллах төлөвтэй байна.
АНУ-ын Ерөнхийлөгч Д.Трамп ОХУ-аас газрын тосны бүтээгдэхүүн худалдаж авсаар байгаагийнх нь шийтгэл болгон Энэтхэгийн зарим бараа бүтээгдэхүүнд, тухайлбал очир алмааз, сам хорхой зэрэг ач холбогдол өндөртэй бараанд ногдуулах гаалийн татвараа 50 хувь хүргэж нэмэгдүүлсэн нь өнгөрсөн лхагва гаргаас эхлэн хэрэгжиж буй.
Энэ нь Энэтхэгийн экспортын салбарт гаргаж буй амбийцтай төлөвлөгөөг нь саатуулах аюултай тул ийнхүү гарц хайж эхэлсэн гэж ВВС онцолсон байна.
Энэтхэг, БНХАУ бол дэлхийн хамгийн их хүн амтай, хилийн маргаан, бусад асуудлаас үүздэн таагүй харилцаатай байдаг хоёр их гүрэн. Гэвч АНУ-ын үүсгэсэн асуудлаас болоод сул талуудаа нөхөх тал дээр хамтрах эхлэл тавигдах магадлал байгааг шинжээчид онцолж баййгаа юм.
Тодруулбал, “Энэтхэг хэзээ ч барууныхны, тэр тусмаа АНУ-ын найдаж байгаа шиг БНХАУ-тай хийх тэмцлийнх нь түшиг тулгуур болохгүй. Н.Модигийн Бээжинд хийж буй айлчлал үүнд “Эргэлтийн цэг болж байна” гэж “Chatham House”-ын Чиетиж Бажпае, Юү Жи нар бичсэнийг хэвлэлүүд ихээр эшлэж байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.47.34
Хятад сайндаа ч энэтхэгт сайн хандаад байгаа юм биш. Трампын худалдааны хориг өндөр тариф хятадын худалдаа дотоодын олон тооны жижиг дунд үйлдвэрүүдийг хямрааж олон сая хужаа нар ажилгүй орлогогүй гудамжинд гарч байгаа болохоор хятад энэтхэгийг түшихээс өөр аргагүй болж байгаа юм.
Хариулах