Саудын Арабын нийслэл Эр Рияд хотод болсон Саудын олон улсын шонхрын дуудлага худалдааны үеэр Монголоос барьсан гурав, орон нутгийн нэг, нийт дөрвөн шонхор 652 мянган риалаар /174,000 ам.доллар/ зарагджээ.
Дуудлага худалдаа Монголоос барьсан шонхрын худалдаагаар эхлэхэд эхний шонхор 200,000 риал буюу 53,000 ам.доллараар зарагдсан байна. Хоёр дахь нь болох залуу шонхор 90 мянган риал /24 мянган ам.доллар/, гурав дахь нь 201 мянган риал буюу 54 мянган ам.долараар /Нийт 131 мянган ам.доллар/ зарагдсан байна.
Орой нь Саудын Арабын Дабдаба бүс нутгаас барсан залуу шонхрыг дуудлага худалдаанд оруулахад 161 мянган риал /43 мянган ам.доллар/-аар зарагдсан байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна