Саяхан л дээсэн дөрөөн дээр дэнжигнэж байсан Г.Занданшатарын Засгийн газар халаа сэлгээгээ хийсээр сая нэг тогтов уу гэтэл Засгийн газрын гишүүд нь дотроо зөрчилдөж эхлэв.
Тодруулбал энэ долоо хоногт ЗГХЭГ-ын дарга С.Бямбацогт Зэсийн боловсруулах үйлдвэрийн сонгон шалгаруулалт зарлах талаар холбогдох албаныхантай уулзаж, хэлэлцсэн. Эл уулзалттай холбогдуулан Аж үйлдвэр, эрдэс баялгийн сайд Г.Дамдинням “Манайх уул уурхайн хоёр сайдтай болсон. Одоо аж үйлдвэрийн хоёр дахь сайдтай боллоо. Төсөл сорчилно, ТӨК сорчилно” хэмээн өөрийн цахим хуудастаа байр сууриа илэрхийлсэн юм.
Энэ үг нь шууд ЗГХЭГ-ын дарга С.Бямбацогт руу чиглэх бөгөөд өмнө нь ч тэрбээр Хөтөлийн “Цемент шохой” ХХК дээр ажиллаж байхдаа тус компанийн удирдлагуудад хугацаатай үүрэг чиглэл өгч байсан юм.
Уг нь Хэрэг эрхлэх газрын үйл ажиллагааны стратегийн мөн чанар нь хууль тогтоомжийн хэрэгжилтийг хангах, Ерөнхий сайд, Хэрэг эрхлэх газрын даргын эрхлэх асуудлын хүрээний бодлогыг төлөвлөх, боловсруулах, дүн шинжилгээ хийх, үнэлгээ өгөх, яам, агентлагийн болон аймаг, нийслэлийн Засаг даргын үйл ажиллагааг шуурхай зохицуулах чиг үүргийг хэрэгжүүлэхэд мэргэжлийн, цаг үеэ олсон, шуурхай зөвлөгөө, дэмжлэг үзүүлэхэд чиглэгдэх ёстой.
Гэвч сүүлийн үед "Эрдэнэс Монгол" ХХК тэргүүтэй төрийн өмчит компаниудад ЗГХЭГ-ын дарга нөлөөгөө тогтоож, халаа сэлгээ, томилгоонд нь оролцдог гэх шүүмжлэл гараад байсан юм. Үүнийг ч АҮЭБ-ийн сайд Г.Дамдинням баталж, аж үйлдвэр, уул уурхайн салбар хоёр сайдтай болчихлоо хэмээн шүүмжлээд авлаа. Түүнээс гадна ТӨБЗГ-ын дарга Б.Цэнгэл "Манайд огт мэдэгдэхгүйгээр нэг сайд нь төрийн өмчит үйлдвэрийн газар шинээр байгуулчихдаг байвал яах уу, бид дараа нь мэддэг. "Ийм байвал ТӨБЗГ байх ч хэрэггүй, татан буулга" гэж би хэлсэн хэмээн мэдэгдээд байсан нь мөн л С.Бямбацогт сайд руу чиглэж буй...
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна