Эх орны хөгжлийг эв нэгдлээр бий болгох зорилго бүхий "Монгол эв нэгдэл" төсөл Сүхбаатар аймгийн Баруун-Урт хотод амжилттай хэрэгжлээ.
Сонирхуулахад Сүхбаатар аймаг нь Төв Азийн хамгийн сүүлчийн хээрийн эко системтэй, Алтан-Овоо, Шилийн богд, Монголын хүн чулууд, Таван толгойн археологийн цогцолбор, Ганга нуур ба Оргихын булаг, Хунгийн чуулган, Егүзэрийн хийд зэрэг Дарьганга мөнгөн хийцээр алдартай, хурдан удмын адууны өлгий нутаг билээ. "Монгол эв нэгдэл" төслийн хүрээнд Баруун-Уртынхан нүд хужирлам, үзэсгэлэн худалдааг зохион байгуулж, идэвхтэй оролцлоо.
Орон нутгийн иргэдийг чухал мэдээ мэдээллээр хангаж, худалдаа, үйлдвэр, үйлчилгээ эрхлэгчдийг дэмжиж буйд Сүхбаатарын иргэд баяртай байна хэмээн ярьж байсан юм. Түүнчлэн төслийг дэмжин ажиллаж, салбар зөвлөл байгуулах талаар төслийг санаачлагч Г.Гангамөрөнтэй ярилцаж байв. Уг төслийг Худалдаа, үйлдвэр, үйлчилгээний үндэсний нэгдсэн холбооноос санаачлан хэрэгжүүлж байгаа бөгөөд 21 аймагт шат дараатайгаар хэрэгжих юм.
Уг төсөл нь худалдаа, үйлдвэр, үйлчилгээ эрхлэгчдийг хөдөлмөр, зорилгоороо нэгдэн, дотооддоо үйлдвэрлэгч байхыг уриалж, Улсын хөгжлийг эв нэгдлээр бий болгох зорилготой. Төсөлд Худалдаа, үйлдвэр, үйлчилгээний үндэсний холбооны ТУЗ-ийн дарга, “Монгол эв нэгдэл” төслийг санаачлагч Г.Гангамөрөн, Худалдаа, үйлдвэр, үйлчилгээний үндэсний холбооны ТУЗ-ийн гишүүн МУГЖ Т.Баясгалан, төслийг дэмжигч дөрвөн Улсын гавьяат С.Жавхлан нар оролцож "Гавъяатын найр" тоглолтоо үнэ төлбөргүй толилуулж байгаа юм.
Мөн Монголын хамгийн том технологийн компани болох Гэрэгэ систем, М банк “Монгол эв нэгдэл” төсөлтэй хамтран ажиллаж байна. Сүхбаатар аймагт амжилттай хэрэгжсэн уг төслийн багийнхан дараачийн аймаг Дорноговь аймгийг зорьлоо.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна