Ж.Золзаяа: IT паркийг хятад шарсан махны газар болгочихлоо

Мэдээллийн Технологийн Үндэсний Парк өөрийн байраа буцаан авах нь зөв хэмээн иргэний хэргийн анхан шатны шүүхээс 2025 оны гуравдугаар сард шийдвэрлэсэн байдаг. 

Гэвч өнөөдрийг хүртэл “Нью Тур Сафарис” ХХК нь шүүхийн шийдвэрийг биелүүлээгүй, үйл ажиллагаагаа тасралтгүй үргэлжлүүлсээр байна. 

Цаашлаад:

• 2 давхарт 24 цагийн үйл ажиллагаатай PC тоглоомын төв байгуулсан;
• 1 давхарт гадаадын хөрөнгө оруулалт бүхий “АЖИН ШАРСАН МАХ” гэх хятад түргэн хоолны газартай гэрээ байгуулж, ашиглуулж эхэлжээ. 

Энэ талаар Мэдээллийн Технологийн Үндэсний Парк ийн захирал Ж.Золзаяа сошиал хуудсаараа дамжуулан ийнхүү хэлжээ. 

"IT Park уу, Кино театр - Хятад шарсан махны газар уу?
Дэлхийд анх удаа ITPark нь хятад гарсан махны газар болчихлоо.  “Өргөө 2” кино театр шүүхийн шийдвэрийг үл тоон, 24 цагийн PC-ны газар дамлан түрээслүүлсэн бол одоо бүр Хятад шарсан махны газар нээж байна.

Шүүхийн шийдвэрийг үл тоомсорлон, хууль зөрчсөн энэ үйлдэл бол залуусын бүтээсэн технологийн ирээдүйг үгүйсгэсэн, салбарын итгэлийг унагасан том доромжлол юм.

Шүүхийн шийдвэр хүчгүй мэт үл тоогдож, эрх мэдэлтэнд хамгаалагдсан мэт аашилж буй нь зүгээр нэг асуудал биш — энэ бол бид хамтдаа тэмцэх цаг. Гадны компани оруулж, хөрөнгө оруулсан нэрээр цаг авч сунжруулах арга нь байх.

Бид дуугүй байхгүй. Залуусын урам зориг, салбарын нэр хүнд, технологийн салбарын ирээдүйг хамгаалж, эрх мэдэлтний дарамтад дарлуулахгүй тууштай тэмцэнэ. Өнөөдөр цагдаад гомдол гаргалаа" гэжээ.