“Садар самууныг уриалагч” гэх этгээд олон нийтийг төөрөгдүүлж, сэтгүүлчийг сүрдүүлжээ

Цахим орчинд бэлгийн эрүүл мэндийн талаарх буруу ойлголт түгээж байж болзошгүй хэмээн шалгагдаж буй этгэээд сэрэмжлүүлэг бэлтгэсэн Товч.мн сайтыг сэтгүүлчийг сүрдүүлжээ. Тэрбээр сэтгүүлч рүү тухайн этгээд хувийн чатаар орж айлгах, сүрдүүлэх, доромжлох үг хэлсэн байна. Дээр нь тухайн этгээд өөрийн лайв бичлэгээс асуудалтай хэсгүүдийг устгаж, гүйцэд баримтыг нуухыг оролдсон тухай эх сурвалж мэдээллээ.

Эрүүгийн хуульд “айлгах, сүрдүүлэх” нь гэмт хэрэгт тооцогддог бөгөөд энэ нь хохирогчийг айдаст автуулж, эрх чөлөөг нь хязгаарлах үйлдэлд тооцогдоно.

Уг этгээдийн үйлдэл дараах зүйлүүдэд хамаарч болзошгүй байна. Үүнд:

• Халдварт өвчний тархалтыг өдөөсөн үйлдэл – Эрүүгийн хуулийн 12.3 дугаар зүйл
• Садар самууныг сурталчлах, тараах – 16.1 дүгээр зүйл
• Хүнийг заналхийлсэн, сүрдүүлсэн үйлдэл – 13.6 дугаар зүйл
• Хүүхдийн эрхэд халдсан үйлдэл – 16.10 дугаар зүйл

Эдгээр зүйл ангиар ял шийтгэл оногдуулахдаа торгох, хорих, эрх хязгаарлах зэрэг хуулийн арга хэмжээ авдаг.

Цахим орчинд ийм төрлийн уриалга, бичлэгийг хүлээн зөвшөөрөх нь залуу үеийн эрүүл мэндэд бодитой эрсдэл үүсгэж болзошгүйг мэргэжилтнүүд онцолж байна. Эрүүл мэндийн зөв дадал, бэлгийн харьцаанд хамгаалалт хэрэглэх, эмчийн зааваргүй эм бэлдмэл хэрэглэхгүй байх нь чухал бөгөөд цахим орчинд цацагдсан мэдээлэлд шүүлтүүртэй хандахыг зөвлөж байна.

Эх сурвалж: Товч.мн