СХД-т зам тээврийн ноцтой осол гарч 31 настай эрэгтэй ГССҮТ-д хүргэгджээ

Zuv.mn
10 цаг 3 минутын өмнө

Сонгинохайрхан дүүрэг 21 дүгээр хороо автозамын зорчих хэсэгт 2 автомашин мөргөлдөж автомашины төмөр эд ангид нэг хүн хавчуулагдсан тухай дуудлагыг 08.28-ны өдрийн 09:18 цагт Онцгой байдлын ерөнхий газар  хүлээн авчээ.

 Нийслэлийн Аврах ангийн алба хаагчдыг очиход иргэн С-ийн “Hijet” загварын автомашин, иргэн Б-ын “Porter” загварын автомашинтай мөргөлдөж “Hijet” загварын автомашины жолооч иргэн С /31 настай, эрэгтэй/ нь автомашиныхаа жолооны хүрдэнд хавчуулагдан гэмтсэн байжээ. 

Алба хаагчид “Вибер батарей ажиллагаат тэлэгч” багаж ашиглан эсэн мэнд гаргаж эмнэлгийн анхан шатны тусламж үзүүлж ГССҮТ-д хүргэж өгсөн байна.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна