Украины эрх баригчид өнгөрсөн наймдугаар сард буюу фронт руу илгээх цэргийн насыг 18 болгож бууруулах асуудал ид яригдаж байх үед 23-аас доош насны эрчүүдийг гадагш чөлөөтэй зорчих эрхийг сэргээсэн билээ.
Ингэснээр тус улсад цагаачлалын шинэ давалгаа үүссэн. Гэвч дүрвэгчдийн ихэнх нь зорьж очдог Европын холбооны улсууд тэдэнд урьдынх шигээ найрсаг хандахаа больжээ.
Европын холбоонд багтдаг эдийн засгийн боломжтой улсууд нь тэдэнд олгодог тэтгэмжээ зогсоох талаар бодож байгаа бол хөрш зэргэлдээ Польш бүр албадан гаргах асуудлыг ил цагаан хөндөх болсон байна.
НҮБ-ын Дүрвэгсдийн асуудал эрхэлсэн хорооны тогтоосноор, дайн эхэлснээс хойш буюу 2022 оноос хойших гурван жилд Украинаас гарсан дүрвэгчдийн дийлэнх нь буюу 6.3 сая нь Европын холбооны улсуудад амьдарч байгаа.
Хамгийн их дүрвэгч хүлээж авсан улс нь Герман (1,4 сая), Польш (1 сая), Чех (400 мянга), Их Британи (250 мянга), Испани (235 мянга) ажээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна