“БОГДХАН ХИШИГ БАРИЛДААН”-Д УЛСЫН ЗААН С.СҮХБАТ ТҮРҮҮЛЛЭЭ
Хан-Уул дүүргийн түүхт 60 жилийн ойд зориулсан "БОГДХАН УУЛЫН ХИШИГ" Улс, аймгийн алдар цолтой хүчит 256 бөхийн барилдаанд Архангай аймгийн Хашаат сумын харьяат, Алдар спорт хороо, Залуу ноёд групп, ЗХ-ний 034-р анги, Бөхбилэгт дэвжээний бөх, улсын заан Сүхбаатарын Сүхбат түрүүлж, Ховд аймгийн Зэрэг сумын харьяат, "Аврагч" спорт хороо, Монтед Констракшн, ЗХ-034 анги, Асиан Сити ХХК, Батхаан Ойл ХХК, "Ховд" дэвжээний бөх, улсын заан Баярхүүгийн Бат-Өлзий үзүүрлэв.
Дөрөвт Булган аймгийн Сайхан сумын харьяат, "Хилчин" спорт хороо, ХЦ-0208 анги, Дрийм АГЭ Бласт ХХК, Нэгдэл клубын бөх, аймгийн арслан Б.Бат-Эрдэнэ, Архангай аймгийн Хотонт сумын харьяат, "Алдар" спорт хороо, Сор Кашимер ХХК, Цацрах Хангай ХХК, "Бөхбилэгт" дэвжээний бөх, аймгийн арслан Б.Шаравдорж нар шалгарлаа.
Наймд улсын арслан Э.Оюунболд, улсын заан Б.Пүрэвсайхан, улсын харцага Б.Зоригтбаатар, улсын начин Б.Даваа-Очир нар үлдэв.
"Улсын цолд ойрхон бөх-ийн шагналыг аймгийн арслан Ц.Мөнхбаярт олголоо. Тус барилдааны түрүү бөх 10 сая, үзүүр бөх 5 сая, дөрөвт үлдсэн бөхчүүд тус бүр 2 сая төгрөгийн бай шагнал гардсан юм.
Дараагийн барилдаан арванхоёрдугаар сарын 06-ний өдөр 13:00 цагаас Монгол улсад Ардчиллын төлөөх намууд нэгдсэний 35 жилийн ойд зориулсан Улс, аймаг, цэрэг, сумын алдар цолтой 256 бөхийн барилдаанаар үргэлжилнэ.
МОНГОЛЫН ҮНДЭСНИЙ БӨХИЙН ХОЛБОО
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна