Байлдааны нисдэг тэрэгтэй мөргөлдөн осолдож, Потомак голд живсэн "American Airlines" авиа компанийн онгоцны хар хайрцаг буюу нислэгийг мэдээлэл бичиг, дуу хураагчийг олсон талаар албаныхан мэдээлжээ. Эдгээр нь ослын талаар илүү мэдээлэл өгнө гэж найдаж байна.
Хар хайрцгийг Тээврийн аюулгүй байдлын үндэсний зөвлөлийн лабораторид шинжлүүлэхээр өгсөн байна.
Канзас мужийн Вичита хотоос хөөрсөн онгоц өчигдөр орон нутгийн цагаар 21.00 цагийн орчимд нийслэл Вашингтон хотын Р.Рейганы нэрэмжит нисэх буудалд буухаасаа өмнө байлдааны нисдэг тэрэгтэй мөргөлдөж сүйрсэн юм.
Зорчигч тээврийн онгоцонд 60 зорчигч, нисэх багийн дөрвөн гишүүн сууж явсан бол Нисэх хүчний байлдааны нисдэг тэргэнд цэргийн гурван алба хаагч сууж явсан бөгөөд бүгд амиа алдсан юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна