АНУ-ын Сенатын гишүүн, Ардчилсан намын төлөөлөл Кори Букер Сенатад бараг бүтэн хоногийн турш Ерөнхийлөгч Доналд Трампын бодлогыг шүүмжилж үг хэлжээ.
55 настай Кори Букер орон нутгийн цагаар даваа гарагийн орой үг хэлж эхлэхдээ “Биеийн тэнхээ нь барагдтал үгээ хэлэх болно” гэсэн бөгөөд улмаар шөнөжин, өдөржин үг хэлсэн аж.
Тэрбээр үг хэлэхдээ байнга зогсоогоороо байсан бөгөөд намын нөхөд нь асуулт тавих зэргээ үгийг нь тасалдуулахгүй байхад “санаа тавьжээ”.
“Манай улсын хувьд жирийн биш цаг үе ирээд байна. АНУ-ын ард түмэн, Америкийн ардчилалд тулгарсан заналхийлэлтэй тэмцэхэд бид илүү ихийг хийх хэрэгтэй байна” хэмээн илтгэлээ эхэлсэн сенатор цааш нь Д.Трампын Боловсролын яамыг татан буулгасан, Шүүхийн тогтолцоог оролпож байгаа, цагаачдыг АНУ-аас шахан гаргах бодлого баримталж буй зэрэг асуудлыг хөндөж, хурцаар шүүмжлэн ярьжээ.
Кори Букерийн үг хэлсэн хугацаа 24 цаг 18 минут болж 1957 онд сенатор Стром Турмонд Иргэний эрхийн тухай хуулийг шүүмжилж 25 цаг, 04 минут үг хэлж байсан дээд амжилтад дөхөж очсон бөгөөд одоо бүрэн эрхээ хэрэгжүүлж байгаа гишүүдээс Техасын Тед Круз 2013 онд Эрүүл мэндийн үйлчилгээг шүүмжлэн 21 цаг 19 минут үг хэлсэн үзүүлэлтийг эвджээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна