Онц байдал зарлаж улс орны аюулгүй байдалд аюул учруулсан хэрэгт буруутгагдаад буй Ерөнхийлөгч /Бүрэн эрхийг нь түдгэлзүүлээд буй/ Юн Сог Елийг шүүх хурал өнөөдөр БНСУ-д олон нийтэд нээлттэй болно. Үндсэн хуулийн шүүхээс орон нутгийн цагаар 11.00 /Монголын цагаар 10.00/ цагт эхлэх шүүх хуралдаанд Юн Сог Ель өөрөө оролцох эсэх нь тодорхойгүй байна.
Юн Сог Ель нь 2024 оны арванхоёрдугаар сарын 3-ны шөнө улс орондоо цэргийн дэглэм тогтоож онц байдал зарласан нь дэлхий нийтийг цочроосон юм. Парламент, Засгийн газрын зүгээс түүний томилсон Прокурор, хүчний байгууллагын удирдлагуудыг ээлж дараалан шалгаж, албан тушаалаас нь огцруулсны дараа тэрбээр эл шийдвэрийг гаргасан байдаг.
Парламент түүнийг бүрэн эрхийг түдгэлзүүлж, гэрийн хорионд оруулсан бөгөөд Үндсэн хуулийн шүүх түүнийг буруутай гэж үзвэл албан тушаалаас нь албан ёсоор огцруулах юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна