ОХУ-ын Красноярск мужид хөлдөөсөн банш идсэн хүүхдүүд хордлого авч нас барсан хэрэг сүүлийн хоёр хоног дараалан гарч, олон нийтийг цочирдуулаад байна. Лента цахим хуудаст мэдээлснээр, өчигдөр зургаан настай эмэгтэй, 13 настай эрэгтэй хүүхэд хоолны хордлогын шинж тэмдэгтэйгээр эмнэлэгт хүргэгдээд нас барсан бол өнөөдөр 11 настай охин нас барсан байна.
Дээрх гурван хүүхэд гурвуулаа тахианы махаар хийсэн хөлдөөсөн банш идсэн гэсэн өгүүлэмжтэй байсан бөгөөд өнөөдөр нас барсан 11 настай охины гэр бүл хөлдөөсөн баншийг "Красная сопка" тосгоны "Олимп" дэлгүүрээс худалдаж авсан гэж мэдүүлжээ.
Баншны уутыг гэрийн эзэн задалсныхаа дараа зууханд хийж шатаасан тул ямар нэртэй банш гэдгийг нь мэдэх боломжгүй. Гэхдээ "Олимп" дэлгүүрийг шалгаж эхэлсэн бөгөөд эзнийг нь баривчлах асуудал одоогоор хөндөгдөөгүй байна гэж эх сурвалж бичжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна