Христийн шашинтнуудын гол баяр болох Христийн мэндэлсэн өдөр нөгөөдөр тохиох гэж байгаатай холбогдуулан тус баярын талаар сонирхолтой баримтуудыг хүргэж байна.
-Эдүгээ дэлхий нийтээр мөрдөж буй Грегорийн тоолол нь Христийн мэндэлсэн өдрөөс эхэлдэг. Гэвч эхэндээ зөвхөн Ромчууд л хэрэглэдэг байжээ. Герман 1700, Их Британи 1752, Швед 1753, Япон 1873, Хятад 1912 оноос л албан ёсоор хүлээн зөвшөөрчээ.
-Сүлд модыг анх 1895 онд АНУ-д цахилгаан гэрлээр чимэглэсэн байна.
-Зул сарын анхны ил захидлыг хатан хаан Викториягийн үед буюу 1843 онд Их Британид хэвлэжээ.
-Алдарт “Jingle Bells” дууг 1857 онд Жеймс Лорд Пьерпонт Талархлын баярт зориулан зохиожээ. Харин хэдхэн жилийн дотор Зул сар, шинэ жилийн баярын дуу болон дэлхий дахинд түгсэн байна.
-Шинэ жилийн баярын үеэр дэлхий дахинд хамгийн олон тоглогддог бүжгэн жүжиг бол “Цөмөөхэй”.
-“Кока Кола”компани Санта Клаусыг бүтээгдэхүүнийхээ сурталчилгаанд анх ашиглажээ.
-Зул сар болон шинэ жилийн баяраар алмаазны худалдаа оргил цэгтээ хүрдэг байна.
-Шинэ жилийн баярт зориулсан анхны маркийг анх 1898 онд Канадад үйлдвэрлэжээ.
-Дэлхийн хамгийн том жинхэнэ сүлд мод /Тайрсан/ 1950 онд АНУ-ын Сиэтл хотын Northgate shopping center-ийн өмнө засагдаж байжээ. Өндөр нь 64.6 метр (212 ft) байсан аж.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна