АНУ-ын Ерөнхийлөгч Доналд Трамп АНУ-ын нийслэл Вашингтон хотын Р.Рейганы нэрэмжит нисэх буудалд буухаасаа өмнө байлдааны нисдэг тэрэгтэй мөргөлдөж сүйрсэн зорчигч тээврийн онгоцныослын хохирогчидтой уулзана гэж мэдэгдсэн байна.
Тэрбээр өчигдөр Цагаан ордны “Овал” танхимд болсон томилгооны хэвлэлийн бага хурал дээр ослын талаар тавьсан сэтгүүлчдийн асуултад хариулах үедээ дээрх байр суурийг илэрхийлжээ.
Мөн осолд байлдааны нисдэг тэргийг буруутгаж байгаагаа ч илэрхийлсэн аж. Тэрбээр “Онгоц яг буух гэж байсан... Онгоцнууд өөрийн гэсэн замаар явдгийг та нар мэднэ дээ. Тэр үед нисдэг тэрэг саад болсон” гэж Д.Трамп хэлсэн байна.
Осолтой холбоотой өөр нэг мэдээлэл гэвэл, хохирогчдыг эрэн хайх-аврах ажиллагааг цаг агаарын хүнд нөхцөл байдалтай холбоотойгоор түр зогсоожээ. Гэхдээ шумбагчид ажиллагааг зогсоохоос өмнө онгоцны хар хайрцгуудыг олж чадсан талаар бид мэдээлсэн.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна