ЭТТ-н 1,2 их наядын тендерт Хөгжлийн банканд 126 тэрбумын өртэй "Моннис групп"-ыг хууль бусаар сонгон шалгаруулсан уу?

Эрдэнэс тавантолгой компани дээр Засгийн газраас Бүрэн эрхт төлөөлөгч/БЭТ/ томилж ажиллуулсан зургаан сарын хугацаа нь дууссан. Гэвч Засгийн газар дахин зургана сараар сунгаха суудлыг оруулаад байгаа юм. 

Гэвч Эрдэнэс тавантолгой компанийн Бүрэн эрхт төлөөлөгч /БЭТ/ Ж.Ганбат нь тендерийн тухай хууль зөрчиж Эрдэнэс тавантолгой компанийн хөрс хуулалтын 1,2 их наяд төгрөгийн тендерт Хөгжлийн банканд 126 тэрбум төгрөгийн өртэй "Моннис майнинг" компанийг шалгаруулсан байна. Тендерийн тухай хуулиндаа улсад ямар нэгэн хохирол учруулаагүй өр төлбөргүй компани шалгарах ёстой байдаг ч БЭТ Ж.Ганбат нь "Моннис групп"-ыг Хөгжлийн банканд өртэй гэдгийг нь мэдсээр байж шалгаруулсан ажээ. 

Уг асуудлыг УИХ-ын гишүүн С.Ганбаатар Эдийн засгийн байнгын хорооны хурал дээр хөндөж, асуусан ч Эрдэнэс тавантолгой компанийн Худалдан авах ажиллагааны газрын дарга Цэрэнсамбуу гэгч эрхэм УИХ-ын гишүүн С.Ганбаатарыг "Тендерийн тухай УИХ, Байнгын хорооны хурал дээр хамаагүй яримааргүй байна!" хэмээн загнав. Улмаар тэрээр "Моннис групп тендерт оролцохдоо өр төлбөгүй гэж мэдүүлсэн" гэх тайлбар хийсэн юм. 

Эндээс үзвэл, Эрдэнэс тавантолгой компани сонгон шалгаруулалт явуулахдаа оролцогчдын мэдээллийг нягталж шалагаагүйн дээр ямар нэгэн эрх ашгийн зөрчилтэй байсан уу гэх асуулт гарч байна.

Эрдэнэс тавантолгой компанийн БЭТ Ж.Ганбат нь одоогоор дөрвөн давхар дээлтэй.

Тэрээр,

-Монгол улсын Хөгжлийн банкны ТУЗ-ийн дарга,

-ЭТТ компанийн ТУЗ-ийн гишүүн,

-ЭТТ компаний Бүрэн эрхт төлөөлөгч,

-Сангийн яамны ТНБД-ын албыг давхар хашиж байна. 

Хэрэв дээрх тендерийн асуудлаар Сангийн яаманд гомдол гаргалаа гэхэд тухайн гомдол нь ТНБД буюу БЭТ Ж.Ганбатад өөрт нь очиж таарах ажээ.