Найраа, допингоосоо салаагүй бөхчүүд жудаг ярих нь “жулдана” 

2020 оны 09 сарын 15

Улсын аварга Г.Батсуурь допингийн шинжилгээний хариунаас нь сэргээшийн төрлийн эм илэрснийг өөрийн биеэр мэдээлж хариуцлага хүлээхээ илэрхийлсэн. Түүний хэлснээр шинжилгээгээр  илэрсэн сэргээш нь манай эмийн сангуудад 400 төгрөгөөр зарагддаг предизин гэх зүрхний шигдээсийн эм гэх. 

Тэрээр энэхүү эмийг уугаагүй, миний зүрх цоо эрүүл гэдгээ хэлсэн бөгөөд тус эм түүний биед гаднаас орж ирсэн гэв. Товчхондоо Н.Батсуурийн ууж идэх зүйлд хэн нэгэн предизин хольж өгсөн болж таарч байна. 

Олон нийт Н.Батсуурийг  “уучлал гуйн жудагтай бөх гэдгээ харууллаа” хэмээн магтаж буй. Харин нөгөө талаас ууж идэж, наргиж цэнгэчихээд “хүн хорлочихлоо” гэж гүрийж байгаа өнгө аяс нэвт ханхалж байгааг анзаарах хэрэгтэй.  Н.Батсуурийн уучлал гуйсан үйлдлийн тухайд бахархаад байх  зүйл ердөө ч  биш. Яахав  “шүүхдэнэ, миний шээсийг сольсон  байна” гэж  луу унжигсадтай харьцуулахад сайшаалтай хэрэг юмуу даа. 

Н.Батсуурийн араас допингийн асуудалд холбогдсон Улсын арслан Б.Пүрэвдагва мөн л буруугаа хүлээн зөвшөөрөв. Тэрээр сүүлийн хоёроос гурван жилийн турш хөлөө гэмтээсэн байсан учир хориотой эм хэрэглэжээ. Энэ тухай Б.Пүрэвдагва, “Хөл гэмтэж, эм хэрэглэж байснаа бөхчүүдээс нууж байсан. Би үнэхээр санаатайгаар ийм зүйл хийгээгүй. Эмчлэх гэж байгаад л мэдэхгүй эм тариа хэрэглэгчихжээ” гэж. 

“Бөх хүн бүдүүн өвсөнд” гэх үг бий. Н.Батсуурь, Б.Пүрэвдагва нарын тухайд хэлсэн үг нь үнэн эсвэл худал эсэхийг бүү мэд. Ямартаа ч допингтой бөх гэж цоллуулан бусдад чичлүүлж явнаас ингээд зарлачихвал аль аль талдаа амар учир ийм шийдвэр гаргасан болов уу. 

Допингийн шинжилгээнд бүдэрснийхээ төлөө "жудагтай  эр" болж хувирчихаад байгаа  Н.Батсуурь мэдэгдлийнхээ төгсгөлд “ Идэж уух, хоол хүнсэндээ хянамгай хандаж байхгүй бол цөвүүн цаг иржээ” гэсэн нь  өөрийгөө өмөөрч, зөвтгөхийг хүссэн далд санаа. Ингээд харахаар тэдний гэмшил үнэн сэтгэлийнх эсэх нь эргэлзээтэй.

Товчхондоо бол Монголын үндэсний бөхийг “найраа, допинг”-оор  уландаа гишгээд удаж байгаа шинэ цагийн бөхчүүдтэй жудаг ярих  эрт байна. Адаглаад  ухаанаа алдтал ууж идэхээ  зас. 

Х.Онон 

 

Сэтгэгдэл (2)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 09 сарын 18
66.181.186.37
irgen

harin huuchini shn buhchuud shig bhaa ali hediin bolijee judag yrih erh bnuuu

2020 оны 09 сарын 15
202.126.89.10
Баас минь

Баасан толгойтой чам шиг жорлонгуудад юу ч сайхан санагдахгүй л дээ