Пакистан зөөгч Рози Хан алдарт телевизийн цуврал “Хаадын тоглоом”-н /Game of Thrones/ талаар нэг ч удаа сонсож байгаагүйгээр барахгүй цувралын томоохон дүн Тайрон Ланнистертай усны дусал мэт адилхан гэдгийг мэдээгүй байсан юм.
Уг алдарт дүрийг бүтээсэн жүжигчин Петр Динклэжтэй адилхан 25 настай цайны газрын зөөгч гудамжинд зургаа авхуулахыг хүссэн хүмүүстэй үргэлж таардаг гэнэ. Тэрбээр хэлэхдээ “Би хүмүүстэй зургаа авхуулахдаа цааргалдаггүй ээ. Үүний ачаар би алдартай болоод байна шүү дээ. Намайг хаа ч явсан хүмүүс адилхан юмаа гэхэд би тийм ээ, энэ хүн миний ах гэж хариулдаг. Энэ тийм ч буруу зүйл биш байхаа” хэмээжээ.
Тэдний царай адилхан байгаад зогсохгүй биений өндөр нь адилхан 135 см гэнэ. Рози Хан Пакистаны нэгэн жижигхэн цайны газар ажилладаг ба эзэн нь түүнийг талаар “Рози маш шаргуу хөдөлмөрч бөгөөд түүний амарсан өдрүүдэд эсвэл өвдсөн үед хүмүүс асууж санаа тавьдаг. Байхгүй үед хүмүүс сэтгэл дундуур буцдаг. Түүний ачаар манай цайны газар үргэлж завгүй ажилладаг” гэжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна