Жүжигчин Анжелина Жоли гэрээслэлээ бичжээ. Тэрээр бүх хөрөнгөө 17 настай, том хүү Мэддокстой үлдээсэн гэнэ. Брэд Питтээс салахад Мэддокс л ээжийгээ бүх талаар дэмжиж байсан гэнэ.
Энэ мэдээлэл тарсан даруйдаа шүтэн бишрэгчдийнх нь санааг зовоож “Яагаад гэрээслэл бичих болов” хэмээн ярьцгааж байна. Тэрээр гурван жилийн өмнө, Брэд Питтээс салсныхаа дараа “Vanity Fair” сэтгүүлд өгсөн ярилцлагадаа хүүхдүүдээ ганцаар өсгөнө, дахиж хүнтэй суухгүй гэснээс гадна эрүүл мэндийнхээ төлөө тэмцэх шаардлагатай байгаа талаараа ярьсан нь одоо фэнүүдийнх нь анхаарлыг татаад байгаа аж.
Анжелина Жоли хорт хавдраар өвчлөх эрсдэл өндөр байгаа шалтгаанаар хэдэн жилийн өмнө өрөөсөн хөхөө тайруулж, өндгөвчөө авахуулсан. Дараа нь гэр бүл нь салсан явдал жүжигчний сэтгэл санаанд хүнд цохилт болжээ. Эх сурвалжийн хэлснээр, Брэд Питтэй харилцаа таарамжгүй болсон нь жүжигчин бүсгүйн өвчнийг хүндрүүлж, шинэ онош тавигдан даралт ихсэх өвчтэй болжээ. Мөн нүүрний булчин нь саажиж эхэлсэн байна. Энэ өвчнийг Беллийн саажилт гэж нэрлэдэг аж. Өвчин хүндрэхээр нүүрний булчингууд ажиллах чадвараа бүрэн алдаж, ярих боломжгүй болдог байна. Гэхдээ өвчлөгчдийн 80 хувь нь эдгэрдэг гэсэн эерэг статистик байдаг байна. Сүүлийн үед бас нэг эмгэг гарч ирэн зовоох болсон нь арьс хуурайших эмгэг аж. Тиймээс удахгүй удаан хугацаанд үргэлжлэх курс эмчилгээнд орохоор болжээ. Энэ эмчилгээ нь арьс хуурайших төдий биш илүү ноцтой өвчний эмчилгээ байж магадгүй хэмээн шар хэвлэлүүдэд бичиж байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна