Н.Өнөрцэцэг: Миний сэтгэл зүй өдрөөс өдөрт дордож байгаа учраас намайг дэмждэг монголчуудаа чин сэтгэлийн захидал илгээгээч

Zarig.mn сайтын эрхлэгч, сэтгүүлч Н.Өнөрцэцэг хоригдоод 64 хонож байна. Н.Өнарцэцэг хорих ангиа өөрийн өмгөөлөгч П.Эрхэмбаяраар дамжуулан захидал илгээж, ард түмнээсээ тусламж хүсжээ. 

Тэрбээр  "Сэтгүүлч Н.Өнөрцэцэг миний сэтгэл зүй өдрөөс өдөрт дордож байгаа учраас сэтгүүлчийг, Зариг.мн сайтыг дэмждэг монголын ард түмээн та бүхнийг ил захидал илгээж чин сэтгэлийн дэм үзүүлэхийг хүсэж байна. Сэтгүүлч хүн олон нийтийн төлөө дуугардаг шигээ олон нийтээс урам, дэмжлэг авч урамшин ажилладаг билээ. Ялангуяа сэтгүүлч Н.Өнөрцэцэг миний бие олон нийтийнхээ дэмжлэгтэйгээр нийгмийн цөөнгүй асуудлыг хөндөж үр дүнд хүргэж байсныг уншигч үзэгч та бүхэн андахгүй сайн мэднэ.

Чин сэтгэлийн үгээ Зариг.мн сайтын редакц, фэйсбүүх хуудас болон миний албан ёсны сошиал хаяг руу дамжуулан хүргэх боломжтой. Торны цаана үр хүүхдэдээ санаа зовнин суугаа Н.Өнөрцэцэг та бүхний чин сэтгэлийн үгийн хариу болгож ил захидал мөн илгээх болно" гэжээ.