Хятад улс цахилгаан автомашинуудаа өвлийн нөхцөлд туршжээ

БНХАУ-ын автомашины чиглэлээр дагнаж бичдэг “Autohome” сэтгүүл ӨМӨЗО-ны Якэши хотод дотоод, гадаадын үйлдвэрүүдийн 100 хувь цахилгаан автомашиныг өвлийн нөхцөлд туршжээ. Туршилтад BYD, “Xiaomi”, “Tesla” зэрэг үйлдвэрүүдийн 31 загварын автомашин оролцсон байна. Машинуудыг бүтэн цэнэглэсний дараа 10-25 градусын хүйтэнд, 70 км цагийн хурдтайгаар тасралтгүй явуулж туршихад дараах үр дүн гарчээ.  

Суудлын автомашин, лифтбэк:  

• BYD YangWang U7: Хүчирхэг зай хураагууртай (135,5 кВт·ч) уг машин 372,9 км явсан ч харьцангуй их цахилгаан зарцуулж байжээ. 40,2 кВт·цаг/100 км;
• Xpeng P7: 92,2 кВт·цаг багтаамжтай зай хураагуур бүхий уг загвар 366,7 км туулсан байна.
• Zeekr 001 2026: 925 морины хүчтэй, 103 кВт·цаг зай хураагуур бүхий энэ загвар 362,1 км туулжээ;
• Tesla Model 3: И.Маскийн компанийн нэрийн хуудас 361,8 км явж дөрөвдүгээрт оржээ.

Алдартай зарим загваруудаас:

• Бага оврын жипнээс Geely EX5 (260,9 км), Xiaomi YU7 (319 км);
• Албан ёсны, хязгаарлагдмал тоогоор үйлдвэрлэгдсэн загварууд: 6 суудалтай, БНХАУ-д зориулж тусгайлан үйлдвэрлэгдсэн “Tesla Model Y L” 270,9 км;
• Авсаархан, хэрэглээ багатай загвар: хетчбэк MG 4 225,8 км;

Муу үзүүлэлттэй:

-ArcFox T1 160,8 км (Бүрэн цэнэгээрээ 425 км явна гэж сурталчилдаг).

 -“Гелендваген” (Mercedes-Benz G580) — 216 км

Ерөнхийд нь харвал, өвлийн нөхцөлд бүрэн цахилгаан автомашин нь үйлдвэрээс зарласан км-ээсээ 40-60 хувь бага зай туулдаг нь харагджээ.