АНУ-ын Хилийн эргүүлийн алба /Border patrol/-ны дарга Грегори Бовино Миннеполис хотоос ажилтнуудынхаа зарим хэсгийг эргүүлэн татахаар болжээ. АНУ-ын иргэн, 37 настай Алекс Преттиг Хилийн эргүүлийн албаны агентууд эсэргүүцэл үзүүлэх боломжгүй байх үед нь /агентууд хохирогчийг газар хэвтүүлж, гарыг нь ард нь мушгисан байх үедээ ар нуруу руу нь зургаан удаа буудаж хөнөөсөн/ амиа алдсантай холбоотойгоор ард иргэдийн бухимдал нэмэгдэж, уур амьсгал эрх баригчдын эсрэг чиглэсэнтэй холбоотойгоор дээрх арга хэмжээг авахаар болсон гэж CBS News телевиз мэдээлжээ.
Г.Бовино болон агентуудын заримыг хэсэгчлэн татсан ч Хилийн асуудал эрхэлсэн дарга Том Хоман Миннеаполист зөрж очин цагаачдын асуудлыг зохицуулах юм байна.
Алекс Преттигийн үхлийн дараа АНУ-ын улс төр, урлаг, спортын нөлөө бүхий томчууд байр сууриа илэрхийлж, Д.Трампын засаг захиргааг илтэд шүүмжилсэн. Тэдний дундаас Ерөнхийлөгч асан Билл Клинтон хамгийн хурц байр суурь илэрхийлж, “Бид одоо л хөдөлж, арга хэмжээ авахгүй бол 250 жилийн түүхтэй ардчиллаа эгнэгт алдаж магадгүй” гэсэн юм.
Хэвлэлийн мэдээллээс харвал, Алекс Преттигийн хэргийн дараа цагаачдын асуудлаар Д.Трампын илэрхийлж байсан байр суурь өөрчлөгдөөгүй ч дууны өнгө нь эрс зөөлөрчээ...
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна