Дорноговь, Увс аймагт ШӨХТГ-аас томилогдсон Улсын байцаагч ажиллана


2021 онд 21-н аймагт Өрсөлдөөний тухай хууль, Хэрэглэгчийн эрхийг хамгаалах тухай хууль, Зар сурталчилгааны тухай хууль, Зөрчлийн тухай хууль, Зөрчил шалган шийдвэрлэх тухай хуулийн хэрэгжилтийг хангуулах, мөн төрийн үйлчилгээг орон нутаг, анхан шатны нэгжид хүргэх зорилт тавин ажиллаж байна. Уг ажлыг Монгол Улсын Шадар сайд С.Амарсайхан дэмжиж орон нутагт ШӨХТГ-ын Улсын байцаагчтай байх шийдвэр гаргаж, 21-н аймгийн Засаг нартай байгуулсан үр дүнгийн гэрээнд тусгасан юм. 

No description available.

Уг шийдвэрийн дагуу өнөөдөр Увс аймагт Д.Эрдэнэцэцэг, Дорноговь аймагт М.Энхманлай нар томилогдож Улсын байцаагчийн үнэмлэх, тамгаа хүлээн авлаа. Ингэснээр Орхон, Өвөрхангай, Говь-Алтай, Увс, Дорноговь гэсэн 5-н аймагт ШӨХТГ-ын бодлого, үйл ажиллагааг хэрэгжүүлж ажиллана. Томилогдсон байцаагч нар тухайн орон нутагт ажиллаж, амьдардаг хуульч мэргэжилтэй эсвэл өмнө нь зөрчил хянан шийдвэрлэх байгууллагад ажилладаг байсан мэргэжлийн, мэргэшсэн албан хаагчийг аймгийн ЗДТГ-тай зөвшилцсөний дагуу сонгон шалгаруулалт хийж томилдог юм. Томилогдсон албан хаагчдын цалинг аймгийн ЗДТГ-аас олгоно.  



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна