“Central tower”-оос тэсрэх бөмбөг илрээгүй

Улаанбаатарын төв талбайд байрлах Central tower-т бөмбөг дэлбэлнэ гэж сүрдүүлсэн хэрэг өчигдөр гарсан. Тус барилгын 15 давхарт байрлах Канад улсын нэгэн байгууллагын удирдах ажилтантай уулзах гэж очсон АНУ-ын иргэн М –ийг дотогш нэвтрүүлээгүйгээс дээрх асуудал гарсан гэнэ. Бөмбөг дэлбэлнэ хэмээн сүрдүүлсэн талаар тус байгууллагын ажилтнууд цагдаагийнханд дуудлага өгсний дагуу ЦЕГ, ОБЕГ, ТЕГ-ын ажилтнууд тус барилгыг чөлөөлж үзлэг нэгжлэг хийжээ. Ингээд 20:05 цагийн үед урьдчилсан дүгнэлт гарч тус барилгад ямар нэг тэсэрч дэлбэрэх зүйл байхгүй болохыг тогтоосон байна. Одоогоор хэргийг ТЕГ-т шалгаж байгаа аж.