Аль Пачино: Хичээж оролдох юм бол тэнэг хүн ч нэг өдөр ухаантан болж чадна

Аль Пачиногийн авьяас билгийг бишрэн шүтэгчид Монголд олон бий. Хорвоогийн тоосыг 83 жил хөдөлгөхдөө олонхийн зөвхөн төсөөлж л чадах адал явдалтай амьдралыг туулсан энэ эрхэм өөрийн дотоод ертөнц болоод бусад зүйлсийн талаар юу гэж ярьсныг хүргэж байна.     

*Би багадаа бурхнаас “Унадаг дугуй өгөөч” гэж их гуйдаг байлаа. Гэвч тэр надад өгөөгүй. Тэгэнгүүт нь би унадаг дугуй хулгайлчихаад бурхнаас өршөөл гуйдаг болсон. Бурхан ямар зориулалттай байдгийг би тэр үед л ойлгож авсан юм.

*Би Наполеоны дүрд тоглохыг мөрөөддөг. Яагаад гэвэл тэр ялагдагч, азгүй амьтан.

*Залуудаа би зарим нэг талаараа Леонардо ди Каприотой адилхан байсан. Секс бэлгэ тэмдэг байлаа л даа.

*Амжилтын хамгийн гол нууц бол хүчтэй хүсэл юм.

*Хэр хурдан амжилтад хүрнэ, хадгалахад төдийчинээ хэцүү байдаг. Амжилтын халуурал маш хурдан буурдаг юм шүү.

*Надад хар тамхинд донтож явсан үе бий. Алдар нэртэй хамт ирсэн, бас их хүнд ачаа байсан. Аз болоход би гарч чадсан даа.

*Амьдралдаа тав бил үү, зургаан кино хийсэн. Ямар кино гэдгийг нь хэн ч мэддэггүй юм. Магадгүй хэзээ ч санахгүй байх л даа.

*Би бараг бүх л дүрийг бүтээж чадна. Харин надаас оройн хоол бэлтгэхийг л битгий гуйгаарай. Би чаддаггүй юм.

*Бүгд хямрал, хямрал гээд л. Бүх дэлхий хямралд эзлэгдчихжээ. Тэгээд би бодлоо, “хямрал ямар байдаг юм бэ, үзъе гэж. Нэг хямралтай нөхрийн дүрд тоглосон чинь шууд л хямарсан шүү”

*Надад “Хичээж оролдох юм бол тэнэг хүн ч нэг өдөр ухаантан болж чадна” гэдэг зүйр үг таалагддаг.

*Би хар шилийг хүмүүсээс нуугдахын тулд зүүдэггүй. Заримдаа би нүүрний будагнаас харшил аваад байдаг юм.

*Спортоор хичээллэх хэрэгтэй шүү гэсэн бодол буйдан дээр хэвтэж байхад л орж ирдэг.

*Намайг олны нүднээс далд байхыг хичээдэг болохоор “янзын этгээд” гэж нэрлэх нь бий. Үнэндээ бол тэрнээс ч дор. Би бол аймшигтай хүн.