NBA-ийн нийт 25 тамирчин коронавирусын халдвар авлаа

2020 оны 07 сарын 04

Хойд Америкийн үндэсний сагсан бөмбөгийн холбоо буюу NBA болон тус лигийн тоглогчдын холбооноос  тамирчид, багийн арын албаныхны дунд хийсэн шинэ коронавирусын ээлжит шинжилгээний хариуг  зарлалаа. Зургадугаар сарын 24-29-нд 344 тамирчнаас коронавирусын шинжилгээ авахад есөн тамирчин халдвар авсан нь тогтоогджээ.

Ийн зургадугаар сарын 23-наас эхэлсэн шинжилгээний хариу гарахад 351 тамирчнаас 25 нь халдвар авсан нь батлагдлаа. Мөн 22 багийн нийт 884 арын албаны ажилчдаас шинжилгээ авахад 10 нь халдвар авсан байна.

Халдвар авсан тамирчид, арын албаныхан бүгд өөрсдийгөө 14 хоногийн турш тусгаарлаж, эрүүл мэндийн дүрмийг чандлан сахих юм байна. Мөн NBA энэ улирлын тоглолтоо энэ сарын 30-нд Орланда  хотод эхлүүлэхээр төлөвлөж байгаа аж.

NBA 2019-2020 оны улирлаа ирэх долдугаар сарын 30-наас Флорида мужийн Уолт Дисней амралтын зугаалгын цогцолборт үргэлжлүүлэн явуулах шийдвэр гаргасан билээ.

Эх сурвалж: nba.com

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.